ԳԼՈՒԽ 6.

ԱՍՏՎԱԾՆԵՐ, ՆԿԱՐՆԵՐ ԵՎ ԱՆՎԱՆՈՒՄՆԵՐ

Նկարների թեման վերականգնելու առաջադրվող կարգը

1) Ընդունել, որ նկարներում նույնպես խոսվում է «Աշխարհի ստեղ­ծու­մը...» պատմական թեմայի մասին, որտեղ ներկայացվում են մեր Գա­լակտիկայում ընթացող երևույթները...

2) Հիմնվել միայն նկարների և հիմնականում ավելի վաղ դարա­շրջանի նկարների վրա...

3) Անունները մեկնաբանելուց ընտրել այն լեզուն, որն ավելի ճիշտ է բնորոշում երևույթները` նկարներում պատկերված կենդանիների կամ գործունեություն բնորոշող առարկաների միջոցով: Հիմք ընդունելով այն հանգամանքը, որ լեզուների հեղինակը համարվում է «լեզվի աստված»-ը և բոլոր լեզուները աստվածների համար հանդիսանում են «մայրենի լե­զու», ընդհուպ` «մեռած լեզուները» և իրենց համար չկա «օտար լեզու»...

4) Սյուժետային նկարների թեմաները համեմատել տարբեր միֆա­պատումներում արտահայտված տեքստային թեմաների հետ...

Ներկայացնենք եգիպտական թեմատիկ պատկերներ.

                                                        Նկ. 8. Նուտ (Ուժ)                                    Նկ. 9. Նու (Նախանյութ)

Ուժը ներկայացվում է Նուտ անվամբ (նկ. 8), իսկ Նախանյութը` Նու անվամբ (նկ. 9) և չի բացառվում, որ միտումնավոր, կամ պատահա­բար անվանափոխած լինեն` Նու-Ուժ, Նութ-Նախանյութ ձևերը: Սա հաստատվում է Մաքս Մյուլլերի հետևյալ նախադասությամբ. «Համապա­տասխանաբար, ես որոշեցի, որ լավ է հետևել հանրահայտ ոչ ճիշտ արտասա­նության ձևին, ինչպիսին է NUT, քան ստեղծել նոր արտաբերման հնչյունաձև` Newet, Neyewet, «որն ուղղակի հնչում է` «նյութ»:

Եգիպտական նկարներն ուսումնասիրելիս նկատեցինք, որ այստեղ նույնպես հստակ ներկայացվում են գալակտիկայի կազմավորումն ու լի­նելիությունն ապահովող երեք հիմնական բաղադրիչները` Ծրագրիր-ը, Ուժ-ը և Նախանյութ-ը (Նկ. 10):

                            Ծրագիր                               Ուժ                         Նախանյութ     

        Նկ. 10 

Սկալյար ՈւԺ-ը և իր խորհրդանիշը ներկայացվում է կովի և շրջանի պատկերով (նկ. 11, 12, 13): Կովը ներկայացվել է որպես կաթի խորհրդա­նիշ, որն անծրագիր (սկալյար) ՈւԺ-ի տարատեսակ է: Տարբեր կենդանի­ները նույն կաթ-Ուժն ընդունելուց հետո դրսևորում են իրենց բնույթին համապատասխանող ծրագրային աշխատանքը: Հետևաբար սկալյար Ուժին տալով տարբեր ծրագրեր, կստացվեն ծրագրավորված (վեկտորա­յին) Ուժեր, որոնք արտահայտվում են տարբեր գործողություններով: Միայն շրջանը մարդու կամ որևէ կենդանու գլխին, ցույց է տալիս տվյալ Ուժի անծրագիր (սկալյար) լինելը, իսկ կոբրա օձով` ներկայացվում է նրա ծրագրավորված (վեկտորային) լինելը: Օձով ներկայացրել են Ուժի վեկ­տորային լինելը, այն, ինչ այսօրվա գիտության մեջ նշվում է սլաքով կամ գծիկով... Հետևաբար կարող ենք ասել, որ ուղղորդված (վեկտորային) Ուժը ներկայացվել է Կոբրա օձի տեսքով` որը բնորոշում է տվյալ Ուժի ծրագրավորված լինելը...

 

        Նկ. 11. Շրջան`                       Նկ. 12. Կոբրա օձ`                         Նկ. 13. Կով՝

        սկալյար Ուժի                        վեկտորային Ուժի                   սկալյար Ուժ` կաթի

        խորհրդանիշը                          խորհրդանիշը                           խորհրդանիշը

Իսիդա և Նեֆտիդա

(Ուժային ծրագրեր)

Եգիպտական պատումներում և նկարներում ընդգծված ներկայաց­վում են երկու ուժային ծրագրեր` Իսիդա և Նեֆտիդա: Այս երկու ծրա­գրերը խիստ տարբերվում են իրարից` Իսիդա ծրագիրը Ուժին տալիս է այնպիսի հատկություն, որն իրարից հեռացնում է նյութի մասնիկները` ըն­դարձակելով նյութը, այս ծրագիրը մենք զգում ենք նյութի տաքությամբ: Նեֆտիդա ծրագիրը կատարում է հակառակ գործողություն` սեղմում է նախանյութի և նյութերի մասնիկները, որին մենք զգում ենք սառնու­թյամբ: Այս երկու իրար հակառակ ծրագրերով օժտված Ուժերի առկայու­թյամբ նյութերի մասնիկները մոտենում և հեռանում են իրարից` առա­ջացնելով շարժում, որն էլ կյան­քի գրավականն է: Իսիդա և Նեֆտիդա ծրագրերը համապատասխանում են «Երբ վերևում...» պոեմի Լահմու և Լահամու ծրագրերին (բացատրությունը կտրվի որոշ երևույթներին ծանոթաց­նելուց հետո):

Եգիպտական նկարներում և պատումներում Ուժերը և իրենց ծրա­գրերը ներկայացվում են կնոջ պատկերով, իսկ Նյութը` ծրագրավորված Ուժի հետ, տղամարդու պատկերով:

Իսիդա և Նեֆտիդա (նկ. 14, 15) ծրագրերն ունեն իրենց խորհրդա­նիշները և իրենց հերթին բաժանվում են ենթածրագրերի: Նկարներում այդ ենթածրագրերը բաժանվում են հետևյալ կերպ` Իսիդա` հինգ ենթա­ծրագիր, Նեֆտիդա` երեք, և ամեն մեկն ունի իր անվանումը....

                                    Նկ. 14. Իսիդա        ա) Իսիդայի խորհրդանիշը

                        Նկ. 15. Նեֆտիդա        ա) Նեֆտիդայի խորհրդանիշը

Քննարկենք Իսիդա անվանումը. Եթե գրենք Իս ի դա ձևով, ապա Վանի բարբառով կունենանք` Իս է դա: Քանի որ այսօրվա «է» որոշիչ հոդը վանա բարբառում հնչել է «ի» հնչյունով, ապա Իսիդա և Նեֆտիդա անվանումներն այսօր կկարդացվեն` «Իս» է այդ կամ այդ «Իս» է և «Նեֆտ» է այդ կամ այդ «Նեֆտ» է: Ստացվում են երկու անվանումներ` «Իս» և «Նեֆտ», որոնք ինչ-որ բան են և ունեն իրենց խորհրդանիշները:

Նկ. 14. ա) Իսիդայի խորհրդանիշը

Իսիդայի խորհրդանիշը երեք աստիճան է, որը բարձրանալով կամ հեռանալով (հիմքից) նվազում է հեռացող ճառագայթի նման, բնորոշելով ընդարձակվող ՈւԺի երեք աստիճաններ, որոնց զգում ենք իրենց տաքու­թյամբ: Երրորդ աստիճանն օժտված է այնպիսի բարձր ջերմաստիճանով, որը կգոլորշիացնի ամեն մի քիմիական տարրի կառուցվածք, վերածելով նախանյութի և սկալյար Ուժի, երկրորդ աստիճանով օժտված են մեր Արի նման ջերմային լուսատուները, և բոլոր քիմիական տարրերի ատոմ­ների միջուկները: Առաջին աստիճանով կատարվում է տեղեկույթների փոխանակում Լուսատուի և իր շուրջը պտտվող «ձվերի»` կիների միջև, միևնույն ժամանակ` մաքրելով նրանց կեղծ ծրագրերով վարակված բակ­տերիաներից և մանրէներից:

Նկ. 15. ա) Նեֆտիդայի խորհրդանիշը

Նեֆտիդայի խորհրդանիշը նույնպես կազմված է երեք աստիճան­ներից, որոնք վերևից ներքև աճում են` բնորոշելով սեղմվող Ուժը, որին զգում ենք իր սառնությամբ: Նեֆտիդա ծրագրի խորհրդանիշի առաջին աստիճանի վերին թասը ներկայացնում է գալակտիկայի Ուժազրկված մարմինների վերամշակման այն գործառույթը, որտեղ Ուժազրկված երկ­նային մարմիններն իրար բախվելով` մանրանալով, դադարում են երկ­նային մարմին լինելուց, վերածվում են քիմիական տարրերով լցված գրա­վի թասի, որին անվանում ենք օտարահունչ «գրավիտացիա» հանրա­գիտարանային անհեթեթ բացատրությամբ. «Ձգողականություն (միջազգա­յին տերմինը՝ գրավիտացիա, լատիներեն gravitas՝ «ծանրություն» բառից)»: Գիտական մեկնաբանությունները` «Գրավիտացիա» և «Գրավիտացիոն Ուժ», անորոշ բառերը բառով բացատրելու արատավոր պրակտիկան չի ներկայացնում գալակտիկայում տեղի ունեցող այն բարդ երևույթը, որը կապված է մարմինները վերամշակող գրավի թա­սին: Նեֆտիդա ծրագրի երկրորդ աստիճանի Ուժով օժտված են էլեկտրոններն ու լուսատուների շուրջ պտտվող և բեղմնավորվող էգ ձվերը: Երրորդ աստիճանի ծրագրա­վորված Ուժով օժտված են «սև խոռոչ»-«Մութակա»-ները, որոնք նույնպես մոտակա երկնային մարմիններին և քիմիական տարրերին Ուժազրկելով` կվերածեն Նախանյութի և սկալյար Ուժի:

Հաջորդ պատկերում (նկ. 16) ներկայացվում է գալակտիկայի «նավն» իր բոլոր Ուժային ծրագրերով, Նախանյութ-Նուի մեջ: Նկարում «NU»=«Նու»-ն խորհրդանշվում է վերից վար սև զիգզագ գծերով: Նավի ներսում, բզեզի ոտքերի մոտ, ձախում կանգնած է Իսիդան` իր խորհրդանիշով, իսկ աջում` Նեֆտիդան` իր խորհրդանիշով: Իսիդայի թիկունքին կանգնած են իր «թիմի» հինգ կանայք, որոնց գլխավերևում նշված են իրենց ծրագրային գործունեության «անվանումները»: Նեֆթի­դայի ծրագրային «թիմում» կանգնած երեք կանայք, որոնց գլխավերևում խորհրդանշված է նույն նշանը` տարբեր մեծությամբ, ցուցում է նույն ծրագիրը` ե­րեք տարբեր չափաբաժիններով: Բ Զեզով և «սև» գնդով աստվածները ներ­կայացրել են գալակտիկայի վերականգնման գործըն­թացը, նմանեցնելով կոյաբզեզի գոմաղբը պտտող շարժման հետ (նկ. 17)...

                                                    Նկ. 16. ՆՈւ                             Նկ. 17. Կոյաբզեզ

Ծրագրավորված Ուժային-նավը բարձրացվել է Նուի` Նախանյութի մեջ, իսկ նավից վեր պատկերված է շրջանաձև տղամարդու մարմին, որը խորհրդանշում է գալակտիկայի պտույտը` ՇՈւ-ն...

Շու աստված

Շու                                                    Շուն պտույտով բաժանել է Նուտին 

                                                        Գեբից (երկինքը երկրից)

                                                                                                    Շու` Պտույտ                                                    Շուի խորհրդանիշը

Նկ. 18.

Քննարկենք Շուի գործունեությունը, անվանումն ու խորհրդանիշը` ըստ նկ.18-ի: Հայերենում «շու»-ով են սկսվում «շու րջ», «շու լալել», «շու լալվել», «շու ղ» և այլ բառեր. առաջին երեք բառերի մեջ տեսնում ենք բոլորակ, փաթաթել, փաթաթվել, շրջանաձև, կլոր իմաստը, իսկ շուղ բառը բնորոշում է միլի կամ ճաղի պտտաձև շարժումը հյուսելու ընթաց­քում, քանի որ շատ միլեր և ճաղեր կան, որոնք օգտագործվում են այլ նպատակներով և ոչ մի կապ չունեն «շուղ»-ի պտտաձև շարժման հետ: Շուի խորհրդանիշը պատկերված է որպես թռչնափետուր, որն առաջին հայացքից թվում է, թե ոչ մի կապ չունի քննարկվող թեմայի հետ, բայց երբ փորձենք փետուրը բաց թողնել որոշ բարձրությունից, ապա կտես­նենք, որ փետուրը կսկսի գալարաձև պտտվել իր հավասարակշռության կենտրոնի շուրջը: Փետուրի նման հատկությունը հայտնի է եղել նույնիսկ տասնյակ հազարամյակներ առաջ ապրող մարդկությանը, ովքեր տես­նում էին թռչող թռչուններից պոկված փետուրների պտտական շարժու­մով վայր ընկնելը: Աստվածները այս երևույթով իրենց նվիրյալներին ներկայացրել են գալակտիկայի գալարաձև շարժումը: Նման պտտական շարժումով «թեթև» մարմինները բաժանվել են «ծանր» մարմիններից` Նուտը-Գեբից, վերականգնվելով քաոս վիճակից... Հետևաբար կարող ենք ասել, որ Շու աստվածը պտտական, գալարաձև շարժման դրսևո­րումն է... Շու=Պտույտ=Գալար:

 

Նկ. 19. Թևնուտ

                                        Թևնուտ

Այս աստծո անվա­նումը լատի­նատառ գրվում է` Tefnut (/ˈtɛfˌnʊt/; Egyptian: Tefenet) և նույն հնչողութ­յամբ գրվում է տարբեր լեզուներով, բայց ոչ մի լեզվով չի ներկայացվում անվանման գործունեությունը կամ ինչ լինելը...

Թևնուտ անվանումը քննարկենք հայերեն գրելաձևով` Թև-Նուտ: Եգիպ­տական պատումները ներկայացնելիս նշվեց, որ այստեղ նույնպես «Աշխարհի ստեղծումը» երկու օվկիանոսների` «Նուտ»-ի և «Նու»-ի «ջրերի խառնվե­լու» հետևանք է, որտեղ Նու­տը հան­դես է գալիս որպես Դեղին Ուժ=Ափզու: Գալակտիկաների մեկնաբանման ժամանակ նշեցինք, որ Դեղին Ուժի քանակն է որոշում գալակտիկայի տեսակը: Ինչպես վերը նշեցինք, Դեղին Ուժն այստեղ ներկայացվում է «Նուտ» անվամբ, ուստի պարուրաձև գա­լակտիկայի կենտրոնում առաջացած Դեղին Ուժը կողերից աճելով, ստա­նում է թևեր և ստացվում է` Դեղին Ուժ+թև=Նուտ+թև=Ձողիկավոր գա­լակտիկա: Հետևաբար Նուտ Ուժը` թևերով, կկոչվի Թև Նուտ:

Նկ. 19-ում Թևնուտը պատկերված է որպես Ուժ, էգ առյուծի կեր­պարով և գլխի վերևում ներկայացվել է նրա ուղղորդված` վեկտորային լինելը: Այս առյուծ Ուժը ներկայացնում է Ձողիկավոր գալակտիկայի կենտրոնում առաջացած թևավոր Ուժը...

Նկ. 20-ում կանացի կերպարով Թևնուտ-կՈւժը բացել է իր թևերը: Այս նկարում և շատ նկարներում, որոնք ցույց կտանք հետագայում, «կուժ» առարկայով ներկայացվում է Ուժ անվանում-բառը: Նկ. 22-ը Ձո­ղիկավոր գալակտիկան է, որի կենտրոնի Դեղին Ուժը կողքից երկարած «թևերով» պտտում է գալակտիկան: Նկ. 21-ում պատկերված է Նուտը` ճակատին ուղղորդված օձով, գլխին Շրջան` սկալյար կՈւժ, որը գտնվում է Հնում աստծու փակվող կոտոշների միջև...

                                                             Նկ. 20. Թևնուտը բացված                                                Նկ. 21. Նուտ

                                                                                                     թևերով գլխին կՈւժ

Նկ. 22. Ձողիկավոր գալակտիկա` Թևնուտ

Եգիպտական նկարներն ու պատումներն ուսումնասիրելիս հայտնի դարձավ, որ տարբեր ուժային աստվածներին մասնագետները ներկա­յացրել են նույն անվան տակ, հաշվի չառնելով նրանց գլխին դրած կամ ձեռքում բռնած խորհրդանիշները: Մեկնաբանենք այսօրվա օրինակով. մեր ժամանակներում, բոլոր զինվորականներն ունեն համազգեստ, ու­սադիրներ և տարբերանշաններ, որով տարբերում ենք նրանց ծառայու­թյան ասպարեզը` ծովային, օդային, թե ցամաքային, և կոչումները: Նույն ձևով մենք պետք է բացահայտենք նկարներում ներկայացված «անձանց» տարբերանշանները, որպեսզի կարողանանք բնորոշել նրանց ինչ լինելը և իրենց դերակատարումները գալակտիկայի գործընթացներում: Այս նկարների աստվածները մասնագետների համար մնում են նույն աստ­վածը, որը պետք է բնական համարել, քանի որ չեն պարզել նրանց միջև եղած տարբերությունը (նկ. 23,24,25,26):

                Նկ. 23. Հատհոր                                                              Նկ. 24. Հատհոր

                Նկ. 25. Նուտ և Գեբ                                                       Նկ. 26. Նուտ

Դժվար է ասել, թե մասնագետները ինչ փաստերի հիման վրա են նույնացրել Խատխոր (Հատհոր) կովը Նուտի հետ (քանի որ չկա որևէ տեղ գրանցված նման համեմատական մոտեցում), բայց իրոք նրանց մեջ կա ընդհանրություն` երկուսն էլ նույն սկալյար Ուժերն են` գալակտիկայի տարբեր փուլերում: Այն պատկերներում (նկ. 24 և 26), որտեղ ընդգծված է Ուժի ուղղորդված լինելը կոբրա օձով, չի կարող Հատհոր կամ Նուտ լինել, քանի որ նրանք չունեն ծրագիր: Իսկ նշված ուղղորդված Ուժերը, թե ինչ ծրագրավորված Ուժեր են և ինչ ֆունկցիա են կատարում, մենք կիմա­նանք միայն այն ժամանակ, երբ կկարողանանք ճիշտ կարդալ գլխավե­րևներում նշված անվանում-գործունեություն մեհենագրերը ...

              1                            2                            3     

Նկ. 27. (նկար Թութմոս երրորդի տաճարից, որին մասնագետներն անվանել

են «Երրորդություն Էլեֆանտինից»)

1. Հնում (Хнум), 2. Սատիս (Сатис), 3. Անուկետ (Анукет)

Սկզբում «Թութմոսի տաճարի» նկարը մեկնաբանենք ըստ պատ­կերի և հետո ըստ անվանմամբ (նկ. 27).

Առաջին պատկերում (նկ. 27-1) ներկայացված է տղամարդու մար­մին (որը որոշվում է հագուստով) այծեղջյուրի գլխով: Նկարի հեղինակ աստվածները այս գլխով իրենց նվիրյալներին ներկայացրել են մի շար­ժում, որը կատարում են այծեղջյուրները վտանգի պահին: Այծեղջյուրները վտանգի պահին իրենց կոտոշները ուղղում են դեպի վտանգը և սկսում են գլխով կիսաշրջան պտույտներ կատարել, ցուցադրելով իրենց կոտոշնե­րը, ինչպես գիշատիչները ցուցադրում են իրենց ժանիքները` բնազդային պաշտպանողական ռեակցիա: Այս երևույթով աստվածները փորձել են քրմերին տեղեկացնել գալակտիկայում տեղի ունեցող այն գործընթացը, որը տեղի է ունեցել «քաոս վտանգի» ընթացքում: Քաոս գալակտիկան սկսել է պտտվել իր առանցքի շուրջը, շնորհիվ` Մարդուկ-Կինգու=Զևս– Տիփոն=Սանասար-Բաղդասար, Օսիրիս-Սեթ երկնային մարմինների, որոնք M33X-7 կրկնակի աստղային համակարգում տեղի ունեցող ե­րևույթի նման պտտվելով առաջացրել են «Պարուրաձև գալակտիկա»: Պտտման ընթացքում, ցենտրիֆուգ զտող մեքենայի նման, կենտրոնում է հավաքվել Դեղին Ուժը` Նուտը, ինչպես զտող մեքենայում կաթի պտույ­տից կենտրոնում առաջացող դեղին կարագ-Ուժը: Հետևաբար այծեղջ­յուրը ոչ թե պաշտամունքի կենդանի է, ինչպես ներկայացվում է, այլ այծեղջյուրը ներկայացնում է «Պարուրաձև գալակ­տիկան»... 

                                                                 Պարուրաձև գալակտիկա                                    Պարուրաձև գալակտիկայի

                                                                                                                                                                         խորհրդանիշը

Երկրորդ պատկերում (նկ. 27-2) կանացի մարմին է (որոշվում է հա­գուստով), որը բնորոշում է նրա Ուժ լինելը: Գլխին պատկերված է պա­րուրաձև գալակտիկայի պտույտից առաջացող Ուժը (կենտրոնում` Նուտը), որի կուտակումից առաջանում են թևերը (Թև Նուտը), վերածվելով «Ձողի­կավոր գալակտիկայի», իսկ նկարի գլխարկը` որպես «Ձողիկավոր գա­լակտիկայի» խորհրդանիշ:

                                    Ձողիկավոր գալակտիկա` մեր                 Ձողիկավոր գալակտիկայի

                        Գալակտիկան (Млечный Путь)                            խորհրդանիշը

Երրորդ նկարում (նկ. 27-3) նորից կանացի մարմին է, որը բնորո­շում է Ուժ լինելը և գլխի գլխարկն ունի Ուժի և Նախանյութի համաչափ շերտավոր դասավորություն, որով բնորոշվում է Էլիպսաձև գալակտի­կան, իսկ գլխարկը` «Էլիպսաձև գալակտիկայի» խորհրդանիշը

                               Էլիպսաձև գալակտիկա                                   Էլիպսաձև գալակտիկայի

                                                                                                            խորհրդանիշը` փոշենյութը 

                                                                                                            դիտվում է որպես սև շերտեր

Վերադառնանք անվանումներին: Առաջին անունը (նկ. 27-1) ռուսե­րենով գրված է «Խ» հնչյունով, քանի որ ռուսերենը չունի «Հ» հնչյունը, բայց անգլերենում նույնպես գրվում է «H» հնչյունով, որը մեզ առիթ տվեց «Խ»-ն փոխարինել «Հ»-ով: «Хнум» հայերենով` «Հնում»: Քանի որ ռուսե­րեն անվանումը ոչինչ չի ասում, ուստի քննարկենք հայերենով «Հնում» անվանումը` որպես բառ, որն ունի «նախկինում», «անցյալում» հոմա­նիշները: Քանի որ ըստ պատկերի նշվեց, որ խոսվում է պարուրաձև գա­լակտիկայի մասին, իսկ մեր Գալակտիկան անցել է ձողիկավոր փուլ, ուստի պարուրաձև փուլը անցյալ` նախկին փուլն է...

«Хатхор» անունը ռուսերեն լեզվով ոչինչ չի ասում, իսկ հայերեն և անգլերեն լեզուներով հնչում է նույն ձևով «Հատհոր»: Եթե այս անունը գրենք Հատ-հոր ձևով, հայերենում հատ=հունդ=սերմ=մեկ միավոր հո­մանիշները «հոր»=«փոս»-ի հետ մեզ ոչինչ չի տալիս, իսկ անգլերեն Hathor անունը նորից գրենք Hat hor ձևով, ստացվում է «Hat»=գլխարկ և «hor»-նման բառ չկա անգլերենում, բայց երբ վանկին ավելացնում ենք «N» տառը, վանկն իմաստավորվում է` «Horn»-թարգմանաբար «Եղջյուր», հետևաբար «hat horn» կլինի` «գլխարկ եղջյուր», որը ճիշտ ներկայացնում է «Ձողիկավոր գալակտիկայի խորհրդանիշը»... Այստեղ անհրաժեշտ ենք համարում նշել, որ վերլուծության արդյունքը ցնցեց մեզ, որ մեկ տառի ավելացումով կարող էինք ստանալ երկու բառից կազմված այնպիսի դիպուկ բառակապակցություն, որը բնորոշում է ոչ միայն «Ձողիկավոր գալակտիկայի խորհրդանիշը», այլև ամբողջ մի գործըն­թաց` Պարուրա­ձևից Ձողիկավորի անցումը...

Հաջորդ կարևոր փաստարկն այն է, որ հաստատվում է Հատհոր(ն) և Նուտ սկալյար Ուժերի նույնությունը, միայն գալակտիկայի վերականգ­ման տարբեր փուլերում` Հատհոր(ն) Ձողիկավոր փուլ, Նուտ` Էլիպսաձև... «N» տառի նման համընկնումը ոչ թե պետք է համարել զուգադիպություն, այլ կորցրած տառի վերագտնում, որոնք հաճախ են «կորում» թարգմա­նությունների և բառա-հնչյունային մանիպուլյացիաների ընթացքում...

Երկրորդ անվանումը (նկ. 27-2)` Սատիս կամ Սաթիս գրելաձևը, նույնպես ոչինչ չի ասում, բայց երբ անդրադառնում ենք մեր Գալակտի­կայի այժմյան պատկերին, ապա երևում է, որ այսօր գալակտիկան անցել է «Ձողիկավոր» փուլ...

Հանրագիտարանային տվյալ. Միայն 1980-ական թվականներին աստ­ղագետները ենթադրեցին, որ Ծիր Կաթինը Ձողիկավոր գալակտիկա է, այլ ոչ թե սովորական Պարուրաձև գալակտիկա: Այդ ենթադրությունը հաստատվեց 2005թ. Լայման Սպիտցևի անվ. տիեզերական աստղադիտակով, որը ցույց տվեց, որ մեր Գալակտիկայի կենտրոնական թևերն ավելի մեծ են, քան համարվում էր նախկի­նում (թարգմ. ռուսերենից):

Թեմայից շեղվելով ասենք, որ եթե «աստղագետները միայն 1980 թվին են ենթադրել գալակտիկայի ձողիկավոր լինելը, ապա դա չի նշա­նակում, որ գալակտիկան 1980 թվից է ձողիկավոր դարձել: Նման «բա­ցահայտումները» ցույց են տալիս աստղագետների անտեղյակության և գիտության «հովանավորների» պատվերը կատարելու հանգամանքը: Քանի որ նման փուլային անցումները հարյուրավոր միլիարդ տարիների գործընթաց է, եթե հաշվի առնենք, որ գալակտիկայի մեկ պտույտը կա­տարվում է 225-250 միլիոն երկրային տարում, ապա կարելի է ենթադրել, թե ինչքան պտույտներ և ինչ ահռելի ժամանակ է հարկավոր կենտրոնում դեղին Ուժ կուտակելու համար...

Հետևաբար կարող ենք ասել, որ այսօրվա դրությամբ` «այժմ», մեր Գալակտիկան ոչ թե պարուրաձև է, այլ ձողիկավոր, որը համընկնում է երկրորդ պատկերին (նկ. 27-2)` «Սատ իս»-ին կամ «Սաթ իս»-ին: «ՍԱՏ» ձևով վանկին կանդրադառնանք ավելի ուշ: Այժմ քննարկենք «Սաթ» ձևը, որն ունի «Սև» հոմանիշը, որի տեղադրումից ստանում ենք` «Սև-իս», որը թեմայի հետ կապված ոչինչ չի ասում: Բարբառներում և տարբեր լեզու­ներում կա «սհաթ» բառը, որի հոմանիշն է կամ թարգմանաբար նշանա­կում է «ժամ», իսկ «սհաթ-իս» բարբառային բառին փոխարինում են «իս­կույն», «հիմա», «էս րոպեիս» և «այժմ» հոմանիշները: Թարգմանություն­ների և հնչյունային ձևափոխումների «բովով» անցած «Սատիս» անվա­նումը դարձնելով «Սհաթիս», ստանում ենք անվանման իրական արժեքը` «Այժմ», որով աստվածները ներկայացրել են այսօրվա մեր Գալակտիկայի անցումային փուլը` «Ձողիկավոր» վիճակը... Հետևաբար առաջին և երկ­րորդ նկարների (նկ. 27-1) և (նկ. 27-2)` «Հնում» և «Ս(հ)աթիս» անվա­նումները, փաստում են մեր Գալակտիկայի «Նախկին» և «Այժմ»-յան կարգավիճակները...

Երրորդ պատկերի (նկ. 27-3) «Անուկետ» անվանումը եթե նույնպես բաժանենք վանկերի, կունենանք «Անու» և «կետ» վանկերը: «Անու»-ն որպես անուն մեզ հայտնի է «Երբ Վերևում...» պոեմից, որտեղ «Անու» ան­վամբ ներկայացվել է ատոմը:

Հաջորդ վանկը` «կետ». «Ժամանակակից հայոց լեզվի բացատրական բառարան» Երեւան, 1974։ ԿԵՏ, ի, գ: 1. (գիտ.) Մաթեմատիկական, տեխնիկական և ֆիզիկական հասկացություն, որը չունի չափ` սահման: 2. ...... 3. ....... 4. Տարա­ծության մեջ կամ մակերևույթի վրա տեղ` վայր, որտեղ մի բան է տեղավորված կամ որի մեջ մի բան կատարվում է:

Գիտնականների կողմից ներկայացված ատոմի կառուցվածքի տարբեր կառուցվածքային մոդելներն ունեն մի ընդհանրություն` ատոմի միջուկը ներկայացվում է որպես Ուժ, որը շրջապատված է «բացասական» էլեկտրոններով, իսկ «Երբ վերևում...» պոեմում առաջին ատոմը ներկա­յացվում է միայն Անշար Ուժով, առանց Կիշարի: «Անու-կետ» էլիպսաձև գալակտիկան` որպես անվանում, իր կառուցվածքային նմանությունն ունի «Անու»-ատոմի (առանց Կիշարի) և «կետ»-բառարանային հասկա­ցողության հետ...